𝐊𝐇𝐔𝐍𝐓𝐎 𝐅𝐨́ 𝐏𝐨𝐬𝐬𝐞 𝐛𝐚 𝐄𝐬𝐭𝐫𝐮𝐭𝐮𝐫𝐚 𝐏𝐨𝐬𝐭𝐮 𝐑𝐚𝐢𝐥𝐚𝐜𝐨 𝐇𝐚𝐦𝐮𝐭𝐮𝐤 𝐄𝐦𝐚 𝟓𝟒𝟒 𝐢𝐡𝐚 𝐌𝐮𝐧𝐢𝐬𝐢́𝐩𝐢𝐮 𝐄𝐫𝐦𝐞𝐫𝐚 ERMERA, 1 Agostu 2026 – Prezidenti Partidu KHUNTO, Armanda Berta dos Santos no Konselleiru Maximo José dos Santos "Naimori Bucar " hamutuk ho Estrutura Nasionál ofisialmente fó posse ba membru estrutura KHUNTO hamutuk 544 iha suku Lihu Postu Administrativu Railaco, Munisípiu Ermera Iha serimónia ne’e, Prezidenti KHUNTO Armanda Berta dos Santos hatete katak fortalesimentu estrutura iha nível baze importante atu prepara organizasaun partidu ba dezafiu polítiku iha futuru. Nia mos husu ba membru foun sira atu servisu ho unidade, disiplinu no komitmentu atu hametin relasaun entre partidu no komunidade. Konselleiru Máximu KHUNTO, Maximo José dos Santos, iha nia intervensaun hatete katak posse ba estrutura foun ne’e sai hanesan pasu importante atu reforsa organizasaun partidu iha Munisípiu Ermera. Nia encoraja membru sira atu kontinua servisu hamutuk, mantein unidade no prepara-an di'ak atu responde ba objetivu no programa partidu iha futuru. Serimónia posse ne’e hetan partisipasaun hosi lideransa partidu iha nível nasionál no munisipál, membru no apoiantes KHUNTO husi área Railaco. Organizador sira espera katak estrutura foun ne’e bele hametin presensa partidu no aumenta servisu polítiku iha komunidade.