𝐁𝐀𝐁𝐀𝐋𝐀: 𝐌𝐀𝐆-𝐈𝐍𝐆𝐀𝐓 𝐒𝐀 𝐌𝐆𝐀 𝐍𝐀𝐆𝐏𝐀𝐏𝐀𝐍𝐆𝐆𝐀𝐏 𝐍𝐀 𝐄𝐌𝐏𝐋𝐄𝐘𝐀𝐃𝐎 𝐍𝐆 𝐃𝐏𝐖𝐇 Nagbabala si Public Works Secretary Vince Dizon sa publiko laban sa mga indibidwal na nagpapanggap na opisyal o empleyado ng DPWH upang mangako ng posisyon o proyekto sa ahensya. Isang indibidwal ang nagtungo sa DPWH Central Office para sa umano’y oath-taking ceremony ng kanyang posisyon bilang “Regional Director” batay sa dokumentong ipinadala sa pamamagitan ng online messaging application. “Nakikipagtulungan tayo sa PNP Anti-Cybercrime Group, NBI at sa PNP-CIDG para mahuli na itong mga loko-lokong kababayan natin na ito,” sinabi ni Secretary Dizon. Pinapaalalahanan ang publiko na ang lahat ng opisyal na appointment at iba pang transaksyon ng DPWH ay dumaraan lamang sa mga lehitimong proseso at opisyal na komunikasyon. Hinihimok ng ahensya ang publiko na maging mapanuri at i-report ang ganitong klaseng modus at mga kahina-hinalang transaksyon sa DPWH Hotline 165-02, DPWH social media accounts o mag-email sa [email protected].