𝐏𝐁𝐁𝐌: 𝐌𝐄𝐓𝐑𝐎 𝐌𝐀𝐍𝐈𝐋𝐀 𝐃𝐑𝐀𝐈𝐍𝐀𝐆𝐄, 𝐈-𝐔𝐏𝐆𝐑𝐀𝐃𝐄, 𝐏𝐀𝐋𝐀𝐖𝐀𝐊𝐈𝐍 𝘔𝘢𝘴 𝘮𝘢𝘭𝘢𝘬𝘪, 𝘮𝘢𝘭𝘢𝘸𝘢𝘬 𝘯𝘢 𝘥𝘳𝘢𝘪𝘯𝘢𝘨𝘦, 𝘮𝘢𝘱𝘢𝘱𝘢𝘣𝘪𝘭𝘪𝘴 𝘢𝘯𝘨 𝘥𝘢𝘭𝘰𝘺 𝘯𝘨 𝘵𝘶𝘣𝘪𝘨, 𝘮𝘢𝘪𝘪𝘣𝘴𝘢𝘯 𝘢𝘯𝘨 𝘣𝘢𝘩𝘢 𝘴𝘢 𝘔𝘢𝘳𝘪𝘬𝘪𝘯𝘢 Iniutos ni Pangulong Ferdinand Marcos Jr. na i-upgrade at palawakin ang holding capacity ng mga drainage sa buong Metro Manila upang mapabilis ang daloy ng tubig-ulan sa mga kanal at maibsan ang matinding pagbaha sa mga low-lying at flood prone areas. Ayon kay Public Works Secretary Vince Dizon, minamadali na ang 1.3-kilometerong drainage improvement project sa kahabaan Sumulong Highway sa Marikina City gamit ang mga 2-meter High-Density Polyethylene (HDPE) pipes, habang tiniyak ng Kalihim na palalawakin din ang ibang drainage sa Maynila. “Paulit-ulit ang Pangulo natin na dapat talaga i-upgrade na natin kasi marami sa mga drainage natin ay post-World II pa. Kung ganito kalalaki ang ating mga [drainage] pipe, may pupuntahan pa rin 'yung tubig, at dahil nga malaki na ito at mahaba, hopefully hindi na ito magbabaha kahit na may major flooding event. Magseserve din itong dalawang 2-meter HDPE pipes natin bilang detention basin," sinabi ni Secretary Dizon, sa kanyang inspeksyon ng proyekto nitong Martes.