𝐏𝐁𝐁𝐌: 𝐏𝐀𝐌𝐀𝐇𝐀𝐋𝐀𝐀𝐍, 𝐌𝐀𝐒 𝐈𝐋𝐀𝐋𝐀𝐏𝐈𝐓 𝐀𝐍𝐆 𝐒𝐄𝐑𝐁𝐈𝐒𝐘𝐎 𝐒𝐀 𝐓𝐀𝐎𝐍𝐆𝐁𝐀𝐘𝐀𝐍 𝘋𝘗𝘞𝘏, 𝘱𝘳𝘢𝘺𝘰𝘳𝘪𝘥𝘢𝘥 𝘢𝘯𝘨 𝘮𝘨𝘢 𝘭𝘶𝘨𝘢𝘳 𝘴𝘢 𝘗𝘢𝘮𝘱𝘢𝘯𝘨𝘢 𝘯𝘢 𝘭𝘶𝘣𝘰𝘨 𝘱𝘢 𝘳𝘪𝘯 𝘴𝘢 𝘣𝘢𝘩𝘢 Pinangunahan ni Public Works Secretary Vince Dizon ang Handog ng Pangulo Caravan sa Pampanga, bilang bahagi ng selebrasyon ng kaarawan ng Pangulo, kung saan ipinarating ng Kalihim sa mga kapwa niya Kapampangan na tuluy-tuloy ang gobyerno sa pagtatrabaho upang maibsan ang pagbaha sa ilang bahagi ng Pampanga. “Ang sabi po ng pangulo, kung ano po ang kailangan nating maayos ang lahat ng ating flood-mitigation, ang lahat ng kailangan para humupa ang baha, gagawin po natin,” sabi ni Public Works Secretary Vince Dizon sa kaniyang mensahe. Kasunod ng utos ng Pangulo na masiguro ang kaligtasan ng mga Kapampangan, tiniyak ng Kalihim na gagawing prayoridad ang mga lugar sa Pampanga na lubog pa rin sa baha, partikular ang San Simon, San Luis, Sto. Tomas, Macabebe, Masantol, at Minalin.