𝐏𝐁𝐁𝐌 𝐒𝐀 𝐃𝐏𝐖𝐇: 𝐏𝐀𝐆𝐇𝐀𝐍𝐃𝐀𝐀𝐍 𝐀𝐍𝐆 𝐍𝐀𝐋𝐀𝐋𝐀𝐏𝐈𝐓 𝐍𝐀 𝐓𝐀𝐆-𝐔𝐋𝐀𝐍; 𝐎𝐏𝐋𝐀𝐍 𝐊𝐎𝐍𝐓𝐑𝐀 𝐁𝐀𝐇𝐀 𝐏𝐀𝐈𝐆𝐓𝐈𝐍𝐆𝐈𝐍 𝐒𝐀 𝐋𝐎𝐖-𝐋𝐘𝐈𝐍𝐆 𝐀𝐓 𝐅𝐋𝐎𝐎𝐃 𝐏𝐑𝐎𝐍𝐄 𝐀𝐑𝐄𝐀𝐒 Pinapatutukan ni Pangulong Ferdinand Marcos Jr. ang pagpapaigting at patuloy na implementasyon ng Oplan Kontra Baha (OKB), upang matiyak na tuluy-tuloy at walang obstruction sa mga major waterways at maiwasan ang matinding pagbaha ngayong paparating na ang rainy season. Iniutos ni Pangulong Marcos ang regular na paglilinis, declogging, desilting, at pagpapalawak ng mga pangunahing waterways sa mga low-lying at flood-prone areas, kabilang ang Metro Manila, Ilocos Region, Cagayan Valley, Tarlac, at Naga. Magsisimula na rin ang programa sa Pampanga ngayong araw. Patuloy ding pinalalawak ang OKB sa Visayas at Mindanao, gaya ng Cebu, Iloilo, Bacolod, Cagayan de Oro, at Maguindanao, na ilan sa mga lugar na madalas maapektuhan ng matinding pagbaha.